अणा चेत को आयो मारा बापू वानर है के कई है

अणा चेत को आयो मारा बापू वानर है के कई है।।
जादू मंतर टोना टोटका इपे चाले नहीं है
अणा चेत को आयो मारा बापू वानर है के कई है।।

एकलो लंका माय आग्यो घुम्यो घर घर माय रे
जातो जातो लाय लगा ग्यो खेर दरपणी नहीं है
ई का ढंग ने देख आपने नटगी मारी बई है
अणा चेत को आयो मारा बापू वानर है के कई है।।

जंतर मंतर टोना टोटका इपे चाले नहीं है।
अणा चेत को आयो मारा बापू वानर है के कई है।।

शक्ति बाण लाग्यो लक्मण के भारी मूर्छा आई है
रात ही रात में सरजीवण ल्यायो दिन भी उग्यो नहीं है
काल नेमि काका की कला भी ईपे चाले नहीं है
अणा चेत को आयो मारा बापू वानर है के कई है।।

राम लखन अहिरावण ले ग्यो बलि चढ़ाबा आई है
दादा ने घणो अबको मारयो देवी का मठ माई है
आपणा घर के लारे पड़ग्यो असि दुश्मनी कई है
अणा चेत को आयो मारा बापू ,वानर है के कई है।।

जंतर मंतर टोना टोटका इपे चाले नहीं है।
अणा चेत को आयो मारा बापू वानर है के कई है।।

बाग़ उजाडयो अक्षय मारयो घोटा झिक उड़ाई है
कहे उकार अण तोल्यो बल यो कोट गिने ना खाई है
मारो मन तो केवे इका मायने कई कई है
अणा चेत को आयो मारा बापू वानर है के कई है।।

Leave a Reply