अरे हंसला रे चुगले चुगले मोतीड़ा रो चून

अरे हंसला रे चुगले चुगले मोतीड़ा रो चून,
कोई मोतीड़ा रो चून कांकरिया चुगना छोड़ दे,
अरे हंसला रे चुगले चुगले मोतीड़ा रो चून,
कोई मोतीड़ा रो चून कांकरिया चुगना छोड़ दे।।

अरे हँसला रे बोली बोली कोयल जेड़ा बोल,
कोई कोयल जैड़ा बोल कागा री बोली छोड़ दे,
हँसला रे चाली चाली हंसले वाली चाल,
बगुलां री चाली छोड़ दे अरे हंसला रे, चुगले चुगले,
मोतीड़ा रो चून कोई मोतीड़ा रो चून,
कांकरिया चुगना छोड़ दे।।

हंसला रे जीवनो जीवनो जग में दिनड़ा चार,
कोई जुग में दिनड़ा चार माला फेरो हरी रे नाम की,
अरे हँसला रे आयो आयो सावणियै रो मास,
कोई सावणियै रो मास भादवो केडो गाजियों रे,
अरे हंसला रे, चुगले चुगले मोतीड़ा रो चून,
कोई मोतीड़ा रो चून कांकरिया चुगना छोड़ दे।।

अरे हँसला रे बरसे बरसे, मेहड़लो मझधार,
कोई मेहड़लो मझधार हां भरिया रे नाडी नाडिया,
हंसला रे, लेवणो लेवणो राम जी रो नाम,
कोई राम जी रो नाम भजना री बांधो गांठड़ी,
अरे हंसला रे, चुगले चुगले मोतीड़ा रो चून,
कोई मोतीड़ा रो चून कांकरिया चुगना छोड़ दे।।

अरे हँसला रे जावणु जावणु अमरापुर रे माय,
कोई अमरापुर रे माय नुगरा री संगत छोड़ दे,
अरे हंसला रे गावे गावे हरी भजन आप,
कृष्ण रा मीठा बोलना
अरे हंसला रे चुगले चुगले मोतीड़ा रो चून,
कोई मोतीड़ा रो चून कांकरिया चुगना छोड़ दे।।

Rajasthani Bhajan Lyrics

• म्हारो प्यारो राजस्थान रतना रो राजस्थान
• मन्ने अब के बचा ले मेरी माय
• फ़कीरी अलबेला रो खेल
• सारो संसार दुःखी है सुखी कौन है सुनो
• हे भगवान तेरी माया का पार कोई ना पाया है
• हम जाने वाले पंछी मत हमसे प्रीत लगाना
• पंछीड़ा लाल आछी पढ़ियो रे उलटी पाटी