करे मेहर दी छां

ਕਰੇ ਮੇਹਰ ਦੀ ਛਾਂ, ਮੇਰਾ ਪੌਣਾਹਾਰੀ ll
ਲੇਖਾਂ ਨੂੰ ਨਿਖਾਰ ਦੇਵੇ, ਜੀਵਨ ਸੰਵਾਰ ਦੇਵੇ,
ਭਗਤਾਂ ਦੇ ਡੁੱਬੇ ਬੇੜੇ, ਪਲਾਂ ਵਿਚ ਤਾਰ ਦੇਵੇ,
ਫੜੇ ਜਿਹਨਾਂ ਦੀ ਬਾਂਹ, ਮੇਰਾ ਪੌਣਾਹਾਰੀ l
ਕਰੇ ਮੇਹਰ ਦੀ ਛਾਂ, ਮੇਰਾ ਪੌਣਾਹਾਰੀ ll

ਅੱਖੀਆਂ ਦੀਦਾਰ ਲਈ ਜੋ, ਰਹਿੰਦੀਆਂ ਪਿਆਸੀਆਂ,
ਅੰਨ੍ਹੀਆਂ ਵੀ ਅੱਖਾਂ ਓਹੋ, ਹੋ ਗਈਆਂ ਸੁਜਾਖੀਆਂ ll
ਦਇਆ ਦਾ ਭੰਡਾਰ ਹੈ ਉਹ, ਬਖਸ਼ਣਹਾਰ ਹੈ,
ਦੇਂਦਾ ਸਭੇ ਦੁਖੀਆਂ ਦੇ, ਕਾਰਜ਼ ਸੰਵਾਰ ਹੈ ਉਹ,
ਦਵੇ ਸ਼ਰਨ ਵਿਚ ਥਾਂ, ਮੇਰਾ ਪੌਣਾਹਾਰੀ l
ਕਰੇ ਮੇਹਰ ਦੀ ਛਾਂ, ਮੇਰਾ ਪੌਣਾਹਾਰੀ ll

ਨਿਓਟਿਆਂ ਦੀ ਓਟ ਉਹ, ਨਿਪੱਤਿਆਂ ਦੀ ਪੱਤ ਹੈ,
ਭਗਤਾਂ ਦੇ ਸਿਰ ਉੱਤੇ, ਰਹਿੰਦਾ ਓਹਦਾ ਹੱਥ ਹੈ ll
ਨਾਥਾਂ ਦਾ ਨਾਥ ਹੈ ਉਹ, ਭਗਤਾਂ ਦੇ ਸਾਥ ਹੈ ਉਹ,
ਪਾਉਂਦਾ ਹਰ ਝੋਲੀ ਵਿੱਚ, ਸੁਖਾਂ ਦੀ ਸੌਗਾਤ ਹੈ ਓਹ,
ਤਾਰ ਦੇਵੇ ਫੜ ਬਾਂਹ, ਮੇਰਾ ਪੌਣਾਹਾਰੀ l
ਕਰੇ ਮੇਹਰ ਦੀ ਛਾਂ, ਮੇਰਾ ਪੌਣਾਹਾਰੀ ll

ਹੋ ਗਿਆ ਸਰੋਏ ਓਹਦੀ, ਭਗਤੀ ਚ ਲੀਨ ਜੋ,
ਭਰ ਲਏ ਖਜ਼ਾਨੇ ਰੱਖ, ਬਹਿ ਗਿਆ ਯਕੀਨ ਜੋ ll
ਜੋਗੀ ਦਇਆਵਾਨ ਹੈ ਓਹ, ਬੜਾ ਹੀ ਮਹਾਨ ਹੈ ਓਹ,
ਮੋਰ ਤੇ ਸਵਾਰ ਹੋ ਕੇ, ਬੈਠਾ ਭਗਵਾਨ ਹੈ ਓਹ,
ਬੁੱਝਣ ਵਾਲੀ ਥਾਂ, ਮੇਰਾ ਪੌਣਾਹਾਰੀ l
ਕਰੇ ਮੇਹਰ ਦੀ ਛਾਂ, ਮੇਰਾ ਪੌਣਾਹਾਰੀ ll

Leave a Reply