जिन्ने मर्ज़ी जोड़ खज़ाने

ਜਿੰਨੇ ਮਰਜ਼ੀ, ਜੋੜ ਖਜ਼ਾਨੇ, ਨਾਲ ਤੇਰੇ ਕੁਝ, ਜਾਣਾ ਨਹੀਂ,
ਨਾਮ ਦੀ ਪੂੰਜੀ, ਜੋੜ ਮੂਰਖਾ, ਵੇਲਾ ਹੱਥ ਫਿਰ, ਆਣਾ ਨਹੀਂ ll

ਜਿਹਨਾਂ ਦੇ ਲਈ, ਕਰੇ ਤੂੰ ਠੱਗੀਆਂ, ਪਾਪ ਕਮਾਵੇ, ਜੀ ਭਰ ਕੇ,
ਮੋਹ ਮਾਇਆ ਵਿੱਚ, ਫੱਸ ਕੇ ਮੂਰਖਾ, ਜਿਉਂਦਾ ਏ ਨਿੱਤ, ਮਰ ਮਰ ਕੇ ll
ਅੰਤ ਵੇਲੇ, ਓਹਨਾਂ ਧੀਆਂ ਪੁੱਤਰਾਂ ll, ਕਿਸੇ ਨੇ ਸਾਥ, ਨਿਭਾਣਾ ਨਹੀਂ,
ਨਾਮ ਦੀ ਪੂੰਜੀ, ਜੋੜ ਮੂਰਖਾ, ਵੇਲਾ ਹੱਥ ਫਿਰ, ਆਣਾ ਨਹੀਂ,,,,,

ਜਿਸ ਝੂਠੀ, ਸ਼ਾਨੋ ਸ਼ੌਕਤ ਲਈ, ਮਾਇਆ ਪਿੱਛੇ, ਨੱਸਦਾ ਏ,
ਏਹ ਬੰਗਲਾ ਮਿਲ੍ਹ, ਮੋਟਰ ਮੇਰੀ, ਨਾਲ ਸ਼ਾਨ ਦੇ, ਦੱਸਦਾ ਏ ll
ਏਹਨਾਂ ਲਈ ਕੀ, ਪੈਣੇ ਪਵਾੜੇ ll, ਵੇਖਣ ਲਈ ਤੂੰ, ਆਣਾ ਨਹੀਂ,
ਨਾਮ ਦੀ ਪੂੰਜੀ, ਜੋੜ ਮੂਰਖਾ, ਵੇਲਾ ਹੱਥ ਫਿਰ, ਆਣਾ ਨਹੀਂ,,,,,

ਯਾਦ ਰੱਖੀਂ, ਨਹੀਂ ਜੇਬ ਕਫ਼ਨ ਨੂੰ, ਜੋ ਤੇਰੇ ਗੱਲ, ਪੈਣਾ ਏ,
ਸੜ੍ਹ ਜਾਣਾ ਸਭ, ਨਾਲ ਚਿਤਾ ਦੇ, ਜੱਗ ਦਾ ਦੇਣਾ, ਲੈਣਾ ਏ ll
ਲੇਖਾ ਜੋਖਾ, ਤੇਰੇ ਕਰਮਾਂ ਦਾ ll, ਹੋਰ ਕਿਸੇ, ਭੁਗਤਾਣਾਂ ਨਹੀਂ,
ਨਾਮ ਦੀ ਪੂੰਜੀ, ਜੋੜ ਮੂਰਖਾ, ਵੇਲਾ ਹੱਥ ਫਿਰ, ਆਣਾ ਨਹੀਂ,,,,,

ਬਚਪਨ ਖੇਲ, ਗਵਾਇਆ ਜਵਾਨੀ, ਵਿਸ਼ਿਆਂ ਵਿੱਚ, ਗਵਾਈ ਤੂੰ,
ਵੇਖ ਬੁੜ੍ਹਾਪਾ, ਹੁਣ ਰੌਂਦਾ ਏ, ਕੀਤੀ ਨਾ ਨੇਕ, ਕਮਾਈ ਤੂੰ ll
ਅਜੇ ਵੀ ਵਕਤ ਹੈ, ਜਾਗ ਨੀਂਦ ਤੋਂ ll, ਦਾਸ ਜੇ ਤੂੰ, ਪਛਤਾਣਾ ਨਹੀਂ,
ਨਾਮ ਦੀ ਪੂੰਜੀ, ਜੋੜ ਮੂਰਖਾ, ਵੇਲਾ ਹੱਥ ਫਿਰ, ਆਣਾ ਨਹੀਂ,,,,,

ਧੁਨ- ਰਾਮ ਨਾਮ ਦੇ ਹੀਰੇ ਮੋਤੀ ਮੈਂ ਵਿਖਰਾਊਂ

Leave a Reply