तू माफ़ करी मेरिया खतावा

ਭੁੱਲ ਕੇ ਵੀ ਤੈਂਨੂੰ ਕਦੇ ,ਦਿਲੋਂ ਨਾ ਭੁਲਾਵਾਂ
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।
ਤੂੰ ਤੇ ਮੈਂਨੂੰ ਛੱਡਣਾ ਨੀ, ਮੈਂ ਛੱਡ ਕੇ ਨਾ ਜਾਵਾਂ,
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।

ਖੁਸ਼ ਹਾਂ ਮੈਂ ਤਾਹੀਓਂ ਕਿ ਤੂੰ, ਹਰ ਵੇਲੇ ਨਾਲ ਏਂ,
ਤੇਰੇ ਬਾਜੋ ਦੁਨੀਆਂ ਤੇ, ਬੜਾ ਬੁਰਾ ਹਾਲ ਏ,
ਪਾਇਆ ਹੈ ਮੈਂ ਤੈਨੂੰ ਹੁਣ, ਕਦੇ ਨਾ ਗਵਾਵਾਂ,
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।

ਸੋਹਣਿਆਂ ਤੋਂ ਸੋਹਣਾ ਸਾਰੇ, ਜੱਗ ਦੀ ਅਵਾਜ ਏ,
ਆਪਣਾ ਬਣਾਇਆ ਏ ਤੂੰ, ਤੇਰੇ ਉੱਤੇ ਨਾਜ਼ ਏ,
ਫੜੀ ਏ ਤੂੰ ਬਾਹ ਮੇਰੀ, ਮੈਂ ਕਦੇ ਨਾ ਛੁਡਾਵਾਂ,
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।

ਉਮਰਾਂ ਦੀ ਸਾਂਝ ਤੇਰੇ, ਨਾਲ ਬੀਤੇ ਜਿੰਦਗੀ,
ਇੱਕ ਇੱਕ ਸਾਹ ਨਾਲ, ਕਰਾਂ ਤੇਰੀ ਬੰਦਗੀ,
ਨੂਰ ਇਹੋ ਮੰਗਾਂ ਤੇ ਮੈਂ, ਖ਼ੈਰ ਇਹੋ ਪਾਵਾਂ,
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।

ਦਾਨ ਪੁੰਨ ਕੀਤੇ ਬੜੇ, ਤੀਰਥਾਂ ਤੇ ਜਾਕੇ,
ਕਈ ਵਾਰੀ ਵੇਖਿਆ ਮੈਂ, ਗੰਗਾ ਚ ਨਹਾ ਕੇ,
ਐਬ ਮੇਰੇ ਬਖ਼ਸ਼ੀ ਤੂੰ, ਮੈਂ ਪਾਪੀ ਨਾ ਕਹਾਵਾਂ,
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।

ਭੁਲ ਕੇ ਵੀ ਤੈਂਨੂੰ ਕਦੇ ,ਦਿਲੋਂ ਨਾ ਭੁਲਾਵਾਂ
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।
ਤੂੰ ਤੇ ਮੈਂਨੂੰ ਛੱਡਣਾ ਨੀ, ਮੈਂ ਛੱਡ ਕੇ ਨਾ ਜਾਵਾਂ,
ਤੂੰ ਮਾਫ ਕਰੀਂ ਮੇਰੀਆਂ ਖਤਾਵਾਂ ।

Leave a Reply