भगतां न तेरी लोड

ਉੱਚੀਆਂ ਘਾਟੀਆਂ ਚੜ੍ਹਨ ਚੜ੍ਹਾਈਆਂ, ਪੈਰੀ ਚੁੱਭਦੇ ਰੋੜ ll
ਬਾਬਾ ਤੈਨੂੰ ਸਾਡੀ ਨੀ, ਭਗਤਾਂ ਨੂੰ ਤੇਰੀ ਲੋੜ ll

ਨਾਲੇ ਤੇਰੀ ਜੈ ਜੈ ਕਰਦੇ, ਨਾਲੇ ਚੜ੍ਹਨ ਚੜ੍ਹਾਈ l
ਚਰਨ ਅੰਮ੍ਰਿਤ ਦਾ ਪੀ ਪਿਆਲਾ, ਹੋ ਗਿਆ ਨਾਮ ਸੁਦਾਈ ll
ਉੱਚੇ ਉੱਚੇ ਪਰਬਤ ਦੇਖੇ ll, ਬਿੰਗੇ ਟੇਢੇ ਮੋੜ,
ਬਾਬਾ ਤੈਨੂੰ ਸਾਡੀ ਨੀ, ਭਗਤਾਂ ਨੂੰ ਤੇਰੀ ਲੋੜ ll

ਦੂਰ ਦੂਰ ਤੋਂ ਸੰਗਤਾਂ ਬਾਬਾ, ਤੇਰੀ ਚਰਣੀ ਆਵਣ l
ਚਰਨਾਂ ਦੇ ਵਿੱਚ ਸੀਸ ਝੁਕਾ ਕੇ, ਮੰਗੀਆਂ ਮੁਰਾਦਾਂ ਪਾਵਣ ll
ਤੇਰੀ ਚਰਣੀ ਸੀਸ ਝੁਕਾਵਾਂ ll, ਖਾਲੀ ਨਾ ਤੂੰ ਮੋੜ,
ਬਾਬਾ ਤੈਨੂੰ ਸਾਡੀ ਨੀ, ਭਗਤਾਂ ਨੂੰ ਤੇਰੀ ਲੋੜ ll

ਅਸੀਂ ਹਾਂ ਤੇਰੇ ਬਾਲ ਨਿਆਣੇ, ਜੋਗੀ ਮੇਹਰਾਂ ਕਰਦੇ l
ਬੜੇ ਚਿਰਾਂ ਤੋਂ ਆਸ ਲਗਾਈ, ਖ਼ਾਲੀ ਝੋਲੀਆਂ ਭਰਦੇ ll
ਤੇਰੇ ਦਰ ਤੇ ਮੈਂ ਆਸਾਂ ਲਾਈਆਂ ll, ਦਿਲ ਨਾ ਮੇਰਾ ਤੋੜ,
ਬਾਬਾ ਤੈਨੂੰ ਸਾਡੀ ਨੀ, ਭਗਤਾਂ ਨੂੰ ਤੇਰੀ ਲੋੜ

ਪਹਿਲਾਂ ਕਿਓਂ ਤੂੰ ਪਾਈਆਂ ਸਾਨੂੰ, ਪਿਆਰ ਦੀਆਂ ਜ਼ੰਜ਼ੀਰਾਂ l
ਹੁਣ ਪਾਸਾ ਦੇ ਕੇ ਕਿਓਂ ਲੰਘ ਜਾਵੇ, ਦੇਖ ਕੇ ਤਨ ਤੇ ਲੀਰਾਂ ll
ਲਾਲ ਨੂੰ ਆਪਣੇ ਚਰਣੀ ਲਾ ਲੈ ll, ਰੱਖ ਚਰਨਾਂ ਦੇ ਕੋਲ,
ਬਾਬਾ ਤੈਨੂੰ ਸਾਡੀ ਨੀ, ਭਗਤਾਂ ਨੂੰ ਤੇਰੀ ਲੋੜ ll

Leave a Reply