मलाह जोगिया

ਸਾਡੀ ਜਿੰਦਗੀ ਦੀ ਕਿਸ਼ਤੀ ਦਾ, ਤੂੰ ਬਣ ਜਾ ਮਲਾਹ ਜੋਗੀ ll
ਤੈਨੂੰ ਅੱਖੀਆਂ ਉਡੀਕਦੀਆਂ, ਨਾ ਦਮ ਦਾ ਵਸਾਹ ਜੋਗੀ
ਸਾਡੀ ਜਿੰਦਗੀ ਦੀ ਕਿਸ਼ਤੀ / ਬੇੜੀ ਦਾ,,,,,,,,,,,,,,,,,,,,,

ਨਾਥਾ ਤੇਰੇ ਬਾਝ ਕੋਈ, ਸਾਨੂੰ ਹੋਰ ਸਹਾਰਾ ਨਾ
ਘੇਰੀ ਕਿਸ਼ਤੀ ਦੁਖਾਂ ਨੇ, ਸਾਨੂੰ ਦਿਸੇ ਕਿਨਾਰਾ ਨਾ ll
ਲਾ ਚੱਪੂ ਆਣ ਆਪੇ, ਸਾਨੂੰ ਪਾਰ ਲਗਾ ਜੋਗੀ
ਸਾਡੀ ਜਿੰਦਗੀ ਦੀ ਬੇੜੀ ਦਾ,,,,,,,,,,,,,,,,,,,,,

ਤੇਰੇ ਦਰਸ਼ਨਾਂ ਨੂੰ ਬਾਬਾ, ਸਾਡੇ ਨੈਣ ਪਿਆਸੇ ਨੇ
ਉੱਡੀ ਰੌਣਕ ਚੇਹਰੇ ਤੋਂ, ਖੁੱਸੇ ਬੁੱਲ੍ਹੀਆਂ ਚੋਂ ਹਾਸੇ ਨੇ ll
ਤਾਣੀ ਉਲਝੀ ਸਾਡੀ ਨੂੰ, ਆਪੇ ਸੁਲਝਾ ਜੋਗੀ
ਸਾਡੀ ਜਿੰਦਗੀ ਦੀ ਬੇੜੀ ਦਾ,,,,,,,,,,,,,,,,,,,,,

ਸਾਡੇ ਵੇਹੜੇ ਆ ਨਾਥਾ, ਕਰ ਵਰਖਾ ਖੁਸ਼ੀਆਂ ਦੀ
ਹੱਥ ਮਦਨ ਆਨੰਦ ਜੋੜੇ, ਆ ਕੇ ਸੁਣ ਲੈ ਦੁਖੀਆਂ ਦੀ ll
ਬਲਵੀਰ ਨਿਮਾਣੇ ਦੀ, ਬੇੜੀ ਪਾਰ ਲਗਾ ਜੋਗੀ
ਸਾਡੀ ਜਿੰਦਗੀ ਦੀ ਬੇੜੀ ਦਾ,,,,,,,,,,,,,,,,,,,,,

Leave a Reply