Sone Wale Jaag Jaa Sansaar Musafir Khana Hai

Kis Dhun Mein Baitha Bavare
Kis Mad Mein Mastana Hai
O Sone Wale Jaag Jaa
Sansaar Musafir Khana Hai

Kya Lekar Ke Aaya Tha Jag Mein
Fir Kya Lekar Jayega

Mutthi Baandhe Aaya Jag Mein
Hath Pasaare Jaana Hai
O Sone Wale Jaag Jaa
Sansaar Musafir Khana Hai

Koi Aaj Gaya Koi Kal Gaya
Koi Chand Roj Mein Jayega

Jis Ghar Se Nikal Gaya Panchi
Uss Ghar Mein Fir Nahi Aana Hai

O Sone Wale Jaag Jaa
Sansaar Musafir Khana Hai

Sut Maat Pita Bandhav Naari
Dhan Dhanya Yahi Reh Jayega

Yah Chand Roj Ki Yaari Hai
Fir Apna Kaun Begana Hai

O Sone Wale Jaag Jaa
Sansaar Musafir Khana Hai

Kahe Devendra hari Naam Japo
Fir Aisa Samay Naa Aayega

Paakar Kanchan See Kaya
Fir Hath Masal Pachhtana Hai

O Sone Wale Jaag Jaa
Sansaar Musafir Khana Hai

This Post Has One Comment

Leave a Reply