Ye Maa Hoti Hai

Jiski Saari Ki Saari Baato Mein
Mera Jikar Rahe
Khud Se Jyada Mujhse Jyada
Jisko Meri Fikar Rahe
Meri Sirahne Baith Ke Jaage
Jab Duniya Soti Hai
Ye Maa Hoti Hai
Ye Maa Hoti Hai

Mujhe Parkhana Hai To
Meri Maa Ki Nazar Se Dekho
Dekh Rahi Hai Jidhar Se Maa
Tum Jaake udhar Se Dekho
Jab Bole Khota Sikka
Maa Kahe Khara Moti Hai
Ye Maa Hoti Hai
Ye Maa Hoti Hai

Main Jau Pardesh To Ghar Mein
Pardeshan See Ho Jaye
Auna Pauna Khaye Kabhi
Aansoo Pee Kar Sojaye
Jaha Rahu Main Meri Maa Ki
Jaan Vaha Hoti Hai
Ye Maa Hoti Hai
Ye Maa Hoti Hai

Jaan Nikal Jaye Maa Ki
Kata Jo Mujhe Chubh Jaye
Dekh Ke Meri Aankh Mein Ansoo
Maa Ki Saans Ruk Jaye
De De Mere Dukh Rab Usko
Lab Pe Dua Hoti Hai
Ye Maa Hoti Hai
Ye Maa Hoti Hai

Jantar Manter Jaadu Toone
Choo Bhi Kaise Jaye
Roj Subha Uth Maa Leti Hai Balaye
Maa Ki Dua Se Badi Koi
Tabeej Kaha Hoti Hai
Ye Maa Hoti Hai
Ye Maa Hoti Hai

Mujhe Bura Keh De Koi
Usse Lad Leti Hai
Main Jo Baat Chhupau Maa
Aankho Mein Pad Leti Hai
Bina Bataye Jisko
Har Ek Baat Pata Hoti Hai
Ye Maa Hoti Hai
Ye Maa Hoti Hai

Baat Mere Haq Ki Hoto
Had Se Aage Bad Jaye
Duniya Ki Aukat Hai Kya
Maa Rab Se Lad Jaye
Jiski Jid Ke Aage Rab Ki
Naa Bhi Haa Hoti Hai
Ye Maa Hoti Hai
Ye Maa Hoti Hai

Maa Ki Mamta Mein Simti Hai
Meri Duniya Saari
Maa Khush Ho To Mil Jati
Hai Khushiya Saari
Kafa Khafa Sa Rab Lagta Hai
Jab Ye Khafa See Rehti Hai
Ye Maa Hoti Hai
Ye Maa Hoti Hai

Haath Rakhe Sar Pe To
Rahat Rooh Talak Jaati Hai
Main Iske Ahsaan Ginu To
Aankh Chhalak Jaati Hai
Jiski Ek Muskan Laakh
Dardo Ki Dava Hoti Hai
Ye Maa Hoti Hai
Ye Maa Hoti Hai

Jannat Ki Mannat Vo Maange
Ye Maa Jiske Sang Naa Ho
Maa Ke Pyar Dular Ka Rang Naa Ho
Jiske Paav Ki Dhool
Jannato ka Rasta Hoti Hai
Ye Maa Hoti Hai
Ye Maa Hoti Hai

Beete Kal Ke Jitne Panne
Aaj Palatta Jau
Ban Kar Bachcha Main
Maa Ke Daman Mein Simata Jau
Jiska Jikar Karne Se
Meethi Juban Hoti Hai
Ye Maa Hoti Hai
Ye Maa Hoti Hai

Kwaab Mere Hai Par
Iski Palko Tale Palte Hai
Safar Dhoop Ho To Maa Ke
Saye Sang Chalte Hai
Ye Subah Ka Suraj Hai
Ye Rato Ki Jyoti Hai
Ye Maa Hoti Hai
Ye Maa Hoti Hai

This Post Has 2 Comments

  1. Pingback: bhajans lyrics in hindi & and english – bhakti.lyrics-in-hindi.com

  2. Pingback: Laagi Lagan Shankara Lyrics – Hansraj Raghuwanshi – bhakti.lyrics-in-hindi.com

Leave a Reply